Finalisá tur distansha na Playa.
E promé KLM Curacao Marathon lo tuma lugá dia 26 di novèmber 2017 riba e isla di Kòrsou. E Máratòn i e Mitar Máratòn lo hiba bo a lo largu di parti di kosta di Kòrsou, krusa e famoso “Swinging Old Lady” e brùg di Ponton Emma i pasa riba un di e brùgnan di mas haltu na mundu, Brùg Juliana na 185 pia riba superfisie di laman.

E kareda di famia úniko aki ta pa grandi i chikí, pa skolnan i empresanan. Lo tin un distansha adekuá pa tur partisipante. Por registrá pa Cavalier di 5K, Intertrust di 10K, Marina Real Trail di 10.5K, Amstel Bright Máratòn i KLM Máratòn. Nos ta konta ku koredónan i nan famianan no solamente prosedente for di Kòrsou pero di rònt mundu.

Indudablemente Kòrsou su naturalesa i su medio ambiente ta brinda posibilidat pa diferente aktividat impreshonante na su habitantenan i bishitantenan di tur edat, interes i nashonalidat. E.o. por hasi buseonan espektakular, por snòrkel i piska. Tambe famianan por praktiká e deporte di gòlf ademas di disfrutá di e 30 playanan i bishitá e interesante Akademia di Dolfijn na Sea Aquarium.